Freins qui sifflent
Salam,
3andi wa7ed c4, wllit mnin kan freiné ba3d merrat dak frein taysffer.. mnach aykun mushkil? les plaquettes wela les disques?
ماشي من لي بلاكيت وماشي من الديسك هاداك مشكيل من سيلاندر الفران فيه واحد جليدة مقطعة وخاصو يتبدل حيث كيلوح الزيت وكتسمع بحال لا لفران خاوي واحد التصفار بسيط او من الجعبة لي كتوصل الزيت مقيوسة وكيسيل منها الزيت وكتضطر باش ديما تخوي الزيت في القريعة
البلاكيت فاش كتمع شي تقزقيز او فاش كتورك مزيان على الفران باش يشد
خاصك تديها عند ميكانيكي وغادي يقول ليك بدل السيلاندر د الفران
Chukran mahdi, mohammed.
bch7al taydiru les plaquettes w had \ سيلاندر\ w bch7al mecanicien kibdelhum? w ch7al khasni na3ty l mecanicien besh i9alab tomobil flewel ?
3tiwny chi fikra llah ikhalikum ana awel mrra ghadi n7ett rejli 3and mecanicien w ila kan mumkin tnas7uni bchi mecanicien mzian f casa.
Hadchi bsit ou makayhtajch l chi micanicien nadi ay mecanicien ysaybhoum lik ila kanti kat3ni bi tsfir ou t9az9iz ay katsma3 9zzzz fach katfrani rah momkin mn les plaquettes ou homa kandan kay3amlo chi 200 dh ou l cylindre de freins 60dh ou khadmat lmecanicien chi 60dh
Chukran khoya lmahdi.. nmchi l3and chi mecanicien w nshuf ash ghaygul.
الردود