Ford fusion
السلام عليكم
عفاكم لقيت واحد فورد فيزيون 12/2009 ايصانص ب52000 درهم ضربا 130000 كلم.من مكناس حتال سيدي علال البحراوي كلات 8،8 لتر ب90درهم على لوطوروت السرعة مابين 90و110ك/س مولاها كيقول الكونسوماسيون ديالها مابين 5،5و6،5% وأنا ملي خرجت لقيتها عاطية فالطابلو 9،9% ؤ هبطات حتال9،6%.
شنو بانليكم الخوت؟
وبغيت شي معلومات على فورد فيزيون،وباش يمكني نبدلها؟
وشكراً
ماعمرك تيق في البائع ديما تيكذبو خصوصا في مسالة الاستهلاك ممكن يقولو 3في المية
وباش غادي تعرف الا بالمعرفة المسبقة
فورد فيزيون ايصانص موديل 2009 كتستهلك بزاف
وفيها 4 نسخ 2,3ل
علبة سرعة اوتوماتيكية واخرى يدوية
ونسخة 3,0 ل
نفس الشيئ
ال 2.3 كتستهلك ما بين 8,5 و12 في المية اي استهلاك كبير بزاف
و 3.0 كتستهلك مابين 9.5 حتى ل14 في المية اي خاص تكون عندك محطة للوقود او بير ديال البترول
هههه،شكراً أخي المهدي.
هي عندها لبواطفيتيس يدوية وفيها 7 ديال الخيل،والموطور مكينش عليه 2،3 ولا3،0ل كيفاش نعرف نوعها؟وأنا بغيت ليصانص لحقاش مغديش نحركها بزاف.
هههه،شكراً أخي المهدي.
هي عندها لبواطفيتيس يدوية وفيها 7 ديال الخيل،والموطور مكينش عليه 2،3 ولا3،0ل كيفاش نعرف نوعها؟وأنا بغيت ليصانص لحقاش مغديش نحركها بزاف.
لا شكر على واجب غير ايلا بغيتي تعرف حجم المحرك غير من رقم الشاسي لي في البطاقة الرمادية ولكن عبر رموز فاش تحل الكابو شوف شي بطاقات من الالومنيوم مكرافي فيها ارقام ورموز لكن باينة مثلا تلقى هاد الرمز
v3
عدد السيلاندرات 3 الاساطين 3
cc2300
اي حجم المحرك 2.3 لتر
لكن لمعرفة ذلك بسهولة والسيارة ماكتباعش في البلاصة حيث هي ميكانيكية كهربائية مستعملة اي لابد من اخد الوقت الكافي لمعرفة كل شيء عليها قبل الاقدام على شرائها اي البحث في الانترنيت سير غير لويكيبيديا وكتب اسم السيارة وتاخد جميع المعلومات عليها كل ماكانت سعة المحرك كبيرة الا وكتستهلك الوقود بزاف ومعلوم ان ليصانص كيتستهلك اكثر من الدييزال لخفته
لا ماشي من سماع صوته سماع صوت الانطلاق كيعني ان الموتور ما فيه حتى عطب ومزيان وقوته لكن ليس بتحديدها بدقة
وحتى من الرؤية ديالو مايمكنش تعرف حيث يؤخد بعين الاعتبار الحجم ديال مكوناته من حيث الطور الارتفاع العمق طول الدياميتر ديال السيلاندر لي بيستون لي سيكمون وغير ذلك من الامور
الردود