Tomobil mdgouga
Salam
ana chrit 309 4 ans hadi b taman ghali 3la li fdo9 hit n9iya..omadrtch la visite de mutation nhar lowal m3a chari hit t9t fli chraha li hit mn la famille 9ali blach hssn tchri blwakala bch ib9aw lik lwra9.aprés ktachft ana nwamr de chassis mdgogin mais hta fat lfout mardithach lmoulaha hit makntch 3arf chno ndir..daba kan dwzha fla visite dyal tri9 3adi mais daba mli bghit nbi3ha hta chi visite mabghat tdir lia mutation.o ay chari mli kayakhdha la visite katrja3.ana ma bghitch nkdb 3la nass kima kdbou 3lya ana okangoul lihom difo li fiha ..kay3tiwni 25000dh wana chari b 45000dh..chno lm3moul? 3ilman anani kan3raf mzyan moul tomobil oba9ya tomobil bssmitou oba9ya 3ndi lwakala ma9lbthach l smiti..ntmanaw t7ssou bya ot3tiwni 7oloul.hadchi w9a3 fhwara nawa7i taroudant.ana msta3d l ay haja ndirha hit 7ssit bchamta
Salam
ma3ndk madir y3ni m3a li chritiha mn 3ndo. l'acte d'achat a déjà eu lieu o li dar rah dar
daba soit khlihalik soit bi3ha btamane habt chwya t'as pas le choix
et nasi7a mat3awdch tchri blwakala ga3
Merci khouya gtr ..bit nswlak 4 ans daba omazal tomobil f issm moulaha o3ndi lwakala.wach n9dr nbi3 lchi wahd bdik lwakala ntkatb m3ah ola darori khss moul tomobil ijadad m3aya lwakala aw hwa itkatb m3a li ghaychri mn 3ndi
واش نوامر كاملين مدقوقين،.لعطاوك نص غير تفك، اما بخصوص وكالة خاصك تعودهة،
Khouya gtr stachrt m3a wahd siyd naib wakil lmalik fnafs lmdina li w9a3 fiha lmochkil galya ji l3andi ofloussak ghadi tchdhoum ola ymchi lal7abss..chno balik??
Chof chno la procédure juridique li bgha itebe3 makhsrti walo
بخصوص المتابعة القانونية يمكن ليك دير بيه شكاية و لكن نتا شريتها منو 4 سنين بلا متحولها لسميتك يعني عندك مخالفة عدم تحويل شهادة التسجيل، لكنتي ادير بيه شكاية خاصك ديها لفزيت او يعطيوك شهادة بانه نوامر مزورين او منين اي يتفتح البحت سيارة خاصه دخول الفوريان حيت مزورة هاي بحتو معاك نتا او معاه هو او شوفو كيفاش تزورت واش بطاقة التسجيل ديالها، واش كاينة غير بطاقة وحدة ولا بزاف حيت كاين لتيخرج على بطاقة التسجيل او تايبدة يبيع، هذه من جيهة من جيهة اخرى تخاف ينكرك و يقول بانه عطاها ليك مزيانة اتولي طالع هابط فالمحاكم
من نظري عندك 2 حلول هو تشوف واش سيارة عندك عندها بطاقة تسجيل وحدة او تعاود تنقش ليها نوامر مزيانين سول فناظور راه يفكوك!!!!! هدشي لعندها بطاقة وحدة
الحل الثاني وهو شوف مع اي باع ليك. اش تحت راسو حاول دير عليه شهود و لا بغيتي تهني راسك تفك منها
فعلا أسي مراد اﻷغلبية كيقولو لي بلي الدعوة فيها الصداع..و سولت قالو لي النوامر ميمكنش يتصايبو حيت مديوانية غتديها لصوماكا غيعيطو للبوليس اياخدوها..سؤالي دابا واش ممكن نجدد هاد الوكالة لي عندي 4 سنين دابا من خلال فوطوكوبي ديال لاكارط ديالو لي كاينة عندي؟؟ كيفاش نبيعها و نتكاتب بلا ما نرجع لمول السيارة؟؟
ما يمكنش ليك تجدد الوكالة بلكارت ديالو حيت فلمقاطعة خاص يكون هو..
واش الوكالة لداير ليك مفتوحة
سولت ليك بعض الأصدقاء. بهدك الوكالة لي داير ليك يمكن ليك تبيعها لواحد آخر بلا ما تجددهة غير اي بقا عندك موشكيل فلفزيت ديال لبيع ولكن لكان لي بغا يشريها منك عارف اش فيها راه ايتفاهم مع لفزيت
خويا gtr مفهمتش جوابك و سمح لي كيفلش غترتاح الثمن..خويا مراد الوكالة غير محددة اﻷجل و لكن فيها التاريخ ديال هاداك النهار لي تدارت فيه..شكرا بزاف..دابا أنا بغيت غير نبيع و نتهنى واخا بنصف ثمنها.و بخصوص لافيزيت هادا لي غادي يشري غيكون فراسو المشكل و غيقوليهم فلافيزست بلي قابل عليها و غادي يدوزوها..ياك مغيحتاج لاكارط مصادق عليها ديال صاحب السيارة الى بغا يدفع الوراق؟
سمعني اخاي حسن هذا لي بغا يدخل عليها كيما هي او باغي يعطي نص تمان عارف اش تيدير. نتا اتبيع ليه سيارة بموجب الوكالة لي عاطيك السيد لول. هو يدبر محاينو معاها...نقوليك علاش حيت هذا لي بغا يشريها من المحتمل باغي يشري غي الوراق هاديك سيارة لي اتعطيه لكانت باقة نقية مزيان اي مشي لبن. طيب او كاد ليها نوامر مزيان
هو غالبا غادي يديرها فسميتو و يكسبها حتى ضرب هندو شوية و يبيعها..دابا سؤالي واش يمكن لي نبيع ليه بديك الوكالة واخا دازت عليها 4 سنوات بلا ما نجددها؟؟.و لي فهمت من كلامك هو أنني نبيع ليه بمشكلتها و هو يضبر راسو مع اﻹجراءات؟ شريت ب 45000 درهم و عاطيني 25000 درهم طيح فيها بزاف
داكشي لي قصدت ليك. غير مرة اخرى بعد من الوكالة ولكنتي باغي تشري سيارة قبل ما تخلصها ديها لفزيت و مصلحة تسجيل السيارات لكانت نقية عاد خلص، حيث ولا المغشوش بزاف
أخويا مراد تعلمت درس كبيير من هاد المشكل لا من ناحية طريقة و إجراءات الشراء و لا من حيث الثقة فكحل الراس..شكرا استفدنا منك الكثير آخر حاجة هي هاد مصلحة تسجيل السيارات ﻷن الكثير كيغفل عليها..الحديد جديد شوية من 2006 للفوق ممكن يكون فيه كذلك المغشوش و لا هدشي كثير غير فالاصيان؟
الردود