العلامة التجارية MG Motors فتحت الأبواب ديالها في المغرب وجابت اختيارات عديدة بأثمنة منافسة  وفورد كشف عن سيارة ال SUV الكهربائية الجديدة Explorer بمحرك ch 340.

كشف الصانع الأمريكي فورد على الصور الاولى لسيارة ال SUV الكهربائية الجديدة Explorer لي

تم تطويرها على منصة MEB المخصصة ل سيارة ID.4.

التحول لي طرا على Explorer جذري و صعيب تلقى أدنى أثر لسيارة الفولكز فاكن على هاد النسخة الجديدة ديال explorer الي غاتكمل العرض لي كاتقدمو فورد وكايشمل سيارة Mustang Mach-E.

مع هاد التحول الكامل ، شركة فورد بغات تعاود تأكد الهوية ديالها القوية على الطريقة الأمريكية، من خلال تقديم سيارات مقاومة وديناميكية لي كاتمنح مساحات كبيرة.

النطاق الأقصى للبطارية كايزيد على 500 كلم وقوة المحرك كاتقدر ب 340 حصان في نظام الدفع الكلي.

المميزات التقنية النهائية لـ Ford Explorer غايتم الكشف عليها في صيف هاد العام.

وكانذكرو هنا باللي الشركة ناوية تحقق أكثر من 600 ألف مبيعة سنويا من السيارات الكهربائية من هنا لسنة 2026.

ودبا غاندويو على العلامة التجارية MG Motors لي فتحت الأبواب ديالها في المغرب!

بحيث اعلنت مجموعة Jameel Motors عن إطلاق العلامة التجارية البريطانية الشهيرة MG في المغرب وهي السوق رقم 10 لي غاتدخل له في منطقة الشرق الأوسط وشمال إفريقيا.

غاتقدم MG في البداية 7 طرازات بما في ذلك 3 سيارات كهربائية وغايتم توزيع العلامة التجارية MG من طرف Jameel Motors، أحد الموزعين الرئيسيين لتويوتا في العالم وهو أيضًا موزع لتويوتا و Lexus في المغرب.

غاتوفر Jameel Motors معدات وخدمات شاملة للزبناء، بما في ذلك بيع السيارات الجديدة، خدمة ما بعد البيع وبيع السيارات المستعملة المعتمدة.

واحتفالا بالاطلاق ديالها في المغرب، Jameel Motors MG كاتضمن أثمنة استثنائية ل 3 أشهر الأولى في السوق المغربي لي كاتبدا ب 142.000 درهم. MG كاتمنح أيضا عرض قرض مجاني للعام ديال الاول.

ماتنساوش، غاتلقاو جميع الأثمنة والمواصفات ديالها على موقعنا Moteur.ma/Voitures