بالنسبة ليا الواحد ايلا بغا يشري القديم غير لافيزيت والدياكنوستيك كافية المهم جوج حوايج علاش يركز الموتور ما فيهش مشكل هادي يجربها لراسو غير من السوقان يعرف يدير طلة على الموتور من برا يشوف واش كيسخن واش عيان ماكايتيريش يشوف واش كيخرج الدخان اي واش كياكل الزيت والحاجة الثانية يشوف الكاروسري واش فيه البوراج واش فايت اكسيدونتي واش مضروب الشاسي واش الارقامديال الشاسي هوما هادوك وتكون السيارة من الاحسن ديال برا او بلاد ولكن مصنوعة برا ويشري حيث بعملية حسابية غادي يصيب راسو رابح احسن من الجديد لي غالي في المغرب بلا منطق وبدون عقلانية

تحليل منطقي أسي مهدي.وحتا الجديد كيطيح فالثمن الى باغي تبيعو أول مرة.لكن كاين آراء مختلفة نتسناو باقي التدخلات

بصح اخويا الا ماكنتى تعرف و تفهم شوية ف لحديد عطا الله ولاد لكلاب لي بلا ضمير تيديو فلوس عباد الله و هدشي راه مسؤولية الدولة حيت بزاف ديال الدول و منها العربية لي دايرا قانون لي كتلزم به صحاب الفحص التقنى اكونو هما الفيصل في صلاح او عدم صلاح السيارة للبيع خصوصا المزورة او لي دايرة كصيدة يعنى الشاري الا تقولب اتقولب ف حاجة بسيطة لي خاصها الاصلاح ماشي تيضيع ف كلشي و نرجع نقول الله يهدي ولاد لكلاب لي تيطمعو ف حاجة ماشي ديالهم

خويا عبدو دابا راه فهم نيت فالحديد و تدار بيك .أما قضية الدولة الدولة ديالنا معمرها تحملت المسؤولية ديالها فشي حاجة هوما راكبين فالحديد آخر موديل و نتا بقا محارب مع السماسرية

متافق معاك خويا حسن ولينى الشاري ماتيدير حتى مجهود من جهتو دكشي باش ولاد لكلاب كتارو و طمعو حيت حاسين بلي المغفلين كتار و اي زبون جا لعندهم راه فيكتيم. دبا الحمدلله الانترنت فيه كلشي لواحد قبل مايشري ادخل اقلب اسول و ياخد ليه غير فكرة وخا بسيطة راه تقدر تفيدو خصوصا كاينين فيديوات للمبتدئين في شراء سيارة تيوريك الاشياء لي تركز عليهم ف التقلاب و كيفاش تقلب و حتى طريقة التفاوض على التمن هدشي بعد ما كتحدد نوع السيارة لي بغيتي و شحال تمنها ف السوق ماشي بنادم ماعرف وااالو و خارج اشري طوموبيل

متافق معاك.شحال خصنا باش نوليو بحال سي حسام تبارك الله عليه.حتا أنا درت الثقة فنسيب ديالي و هو حرايفي و تدارت بينا بزوج ولكن حتا هو تاق فالسيد.دازت فلافيزيت النهار اﻷول و من بعد عام تعكست ف فيزيت أخرى باعتيار النوامر مزورين لكن كل حاجة كنتعلمو منها

متافق معاك.شحال خصنا باش نوليو بحال سي حسام تبارك الله عليه.حتا أنا درت الثقة فنسيب ديالي و هو حرايفي و تدارت بينا بزوج ولكن حتا هو تاق فالسيد.دازت فلافيزيت النهار اﻷول و من بعد عام تعكست ف فيزيت أخرى باعتيار النوامر مزورين لكن كل حاجة كنتعلمو منها

هدشي نتا وزهرك اخاي.. مكايناش حاجة مضمونة مئة بالمئة وانا كنعرف واحد السيد شرا سيارة ب 16 مليون معرفتش بالضبط اشمن ماركة ولكن الراجل شراها للطاكسي ديالو.. المهم دازت شهرين تقريبا طاح ليه شي لعبة فالطوموبيل ومشى بدلها بمليون! كاين الي يشري القديم وميطيحش فهاد المشكل.. فا نتا كدير جهدك.. كتدي معاك ميكانيكي كتعرفوا والباقي على الله.
انا حاليا فكرت نشري سيارة قديمة مستعملة بشي 6 او 7 مليون ولكن بقيت كنفرك حتى قلت نشري واحد داسيا سانديرو بشي 12 ونص حيث الناس الي كنثيق فيهوم كلهوم مجتمعين على انها جيدة.

فعلا خويا هاد القرار ديال واش جديد او قديم ماشي قرار سهل

الى عندك الفلوس ديال الجديد راه مكاين علاش تزيد تكفر.. عليك بالجديد.

Salam
sara7a hadchi li 9alto kolo s7i7e so9e tomobilate occasion s3ibe bzafff mais nta fache kat9alabe rahe khassk tchof 7ta biya3e kidayre o kifache kayhdare okifache kay jawbe 3la 2ass2ila
dima sawlo joje marate o khalihe 7ta ynssa o 3awde sawlo
chof wach kay jawbe nafsse tari9a ola kaykharba9e
ama bnssba la visite makydiroche khdamthom o chate hadchi b3iniya machi mara machi joje ma3mrake t3awale 3lihom
plus matdiche tomobile la visite li galike bya3e diha liha dima badale
wila jabti mecanique matkhalihche ita3zale m3a biya3e wakha ibalike rajle 3ando 70ans 7ite damire mab9ache
o lahe howa li kay7fade ama hiya kadar bkolchi kon m3alame tat3ya iji wa7de idirha bike

داكشي لي كاين أخويا هاشيمي اﻹنسان غير كيبان ليه 2 دريال دالربح يبيعك واخا يكون خوك.لا حول و لا قوة إلا باالله و صافي