16/02/2023 : سيارة جديدة عند BMW بأداء خرافي .. تسويق الموديل الكهربائي الجديد ديال داسيا بالمغرب
شركة BMW كبرات الكتالوج ديالها من خلال طراز BMW M3 CS الجديد ، وهو نموذج متوفر بإصدار محدود بقوة 550 حصان، و لي جا بوزن مخفّض ب 20 كغ مقارنة مع M3 Competition باش يضمن أداءات أعلى وأقوى.
سيارة BMW M3 CS الجديدة جات باش تكون البديل الرياضي الأكثر متعة وتشويق لعشاق سيارات البرلين الرياضية، بحيث غاتعتامد على محرك بسعة 3.0 لتر سداسي الأسطوانات مزود بتقنية M TwinPower Turbo. وهو نفسو لي كاتعتامد عليه BMW M4 GT3 المسجلة في بطولة DTM.
هذا المحرك كايمنح قوة 550 حصانًا و 650 نيوتن متر، أكثر بقوة 40 حصان من BMW M3 Competition. المحرك مرتبط ب Boite de vitesse من نوع M Steptronic ب 8 سرعات ، بالإضافة إلى نظام الدفع الرباعي الذكي xDrive. وبالتالي، سيارة M3 CS ، المجهزة أيضًا بنظام M Driver ، قادرة تتسارع من 0 ل 100 كم / ساعة في 3.4 ثانية فقط ، ومن 0 ل 200 كم / ساعة في 11.1 ثانية مع سرعة قصوى محددة ف 302 كلم / ساعة.
غايبدا إنتاج السيارة بميونيخ اعتبارا من مارس المقبل ومن المتوقع يبدا الثمن ديالها ب 157.000 يورو.
داسيا بدات تسويق سيارة Spring الكهربائية 100% مدى لي يقدر يوصل ل 305 كم. هاد العرض الجديد ديال داسيا غايمكّن عشاق مركبات التنقل النظيف من اختيار سيارة المدينة لي كاتجي بمظهر سيارات الدفع الرباعي، بفضل الهيكل ديالها المرتفع على الأرض، العجلات لي جاو عراض وكبار والحماية السفلية للباب، بالإضافة لجزء الخلفي لي كايتميز بالديناميكية.
فالداخل كاتتكون من 4 مقاعد والكوفر جا بسعة 270 لتر. Spring هو أيضًا الموديل المجهز بأفضل أجهزة السلامة عند داسيا ، حيث كايدمج على وجه الخصوص ABS و ESP و الإضاءة الأوطوماتيكية، ولأول مرة في سيارة Dacia غايتم إدماج ست وسائد هوائية بالإضافة إلى نظام فرملة الطوارئ النشطة لي كا يسمح بالتطبيق التلقائي للمكابح في حالة تصادم وشيك. أما بالنسبة للأسعار، داسيا سبرينغ متوفرة ابتداء من 223500 درهم TTC.
ماتنساوش، غاتلقاو جميع الأثمنة والمواصفات ديالها على موقعنا moteur.ma
سالينا هاد الحلقة نشوفوكم في الحلقة الجاية.
