شركة Global Occaz عادْ دشّنت صالة عرض جديدة بمدينة مراكش من بعد المعرض الاول لي كاين في الدارالبيضاء. 

شكون هي كلوبال أوكاز بعدا ؟ 

هي شركة متخصصة في شراء، استبدال وبيع السيارات الجديدة والمستعملة بجميع أنواعها  و لّي كاتنتمي لمجموعة Bugshan. هاد المجموعة الاستثمارية Bugshan كاتواجد بالمغرب منذ سنة 2018 بواسطة Global Engine المستورد الحصري للعلامة التجارية هيونداي. 

نرجعو للمعرض الجديد ديالنا ! 

 كلوبال أوكاز افتتحت هاد المعرض في مراكش باش تلبي الرغبات ديال الزبناء ديالها  وتعزز حضورها في جنوب المملكة، داكشي لاش تم اختيار قلب المدينة الحمراء و بالضبط، شارع عبد الكريم الخطابي لتدشين هاد المعرض.

هاد الشركة  كاتشري السيارات بالوحدة و حتى بالجملة. الخبراء المتخصصين كيديرو تقييم لسعر السيارة من بعد ما كايتم فحص ومعاينة السيارة بدقة. 

و كاتمنح امتيازات مهمة منها التمويل والتأمين و كاتكلف بمختلف الإجراءات الإدارية ، الشيء لي كايخلي عملية البيع والشراء تتم بسلاسة وسهولة ويمكن تتم في نفس النهار. 

في الموضوع الثاني ديالنا اليوم، العلامة التجارية Citroen أكدت بلي ال Facelift ديال C5 Aircross غا تدخل للمغرب في الأسابيع المقبلة.

سيارة ال SUV غاتجي بلمسات جديدة في المظهر ديالها خصوصا في الواجهة الأمامية، منها ال Pare-chocs ومصابيح أمامية بتقنية LED لي جات ببصمة ضوئية رائعة على شكل حرف V

بالنسبة للواجهة الخلفية، C5 غاتبان بأضواء جديدة بتأثير 3D ( ثلاثي الأبعاد )  بالإضافة لعجلات جديدة بقياس 18 Pouces، في حين أن شكل السيارة الخارجي كايبان بتناسق جديد من ناحية الألوان وخاصة اللون الأسود اللامع   ديال les retroviseur.

في الداخل ديال السيارة، سيتروين صمّــمـت ال Console بشكل جديد باش يضمن رحابة قصوى للسائق وخصوصا وأنها دمجـت على مستوى هاد الكونصول  مبدل السرعات Levier de vitesse" جديد بطريقة رائعة لي عطا واحد انسجام متميز لمكونات المقصورة.

كذلك السيارة كاتعتامد على ال Ecran Tactile جديدة بمقياس 10 Pouces بلاصط 8 لي كاتوافق مع Apple Car Play و Android Auto. هاد الشاشة كاتخليك تحكم كيفما بغيتي فأجواء المقصورة بلا ما تفقد التركيز ديالك على الطريق خصوصا وأنها جات بموضع أعلى من لي كانت عليه. 

باش تعـزّز مقومات الأمان، سيتروين جهّــزت هاد الموديل الجديد بما يقارب 20 تقنية ونظام مساعدة بحال  Highway Driver Assist  وهو نظام من المستوى الثاني للمساعدة على القيادة على الطرق السريعة،  ونظام التعرف على إشارات المرور، محـدّد السرعة بالإضافة إلى المؤشر لي كاينبه السائق في حالة السهو.