نبداو بعلامة جيب لي عززت التوجه ديالها نحو الهايبرد بالمغرب بعرض جديد لسيارات الدفع الرباعي. جيب قامت بتسويق النسخة الهجينة من #Compass خلال الأيام الماضية بالمغرب. هاد السيارة الجديدة كاتميز بنظام هايبرد كايعتامد على محرك بنزين تيربو جديد بالكامل بسعة 1.5 لتر رباعي الأسطوانات.

هاد المحرك كايعطي السيارة قوة 130 حصانًا و 240 نيوتن متر من عزم الدوران ، إلى جانب ناقل حركة أوتوماتيكي جديد double embrayage بسبع سرعات.بالاضافة الى ذلك، نظام الدفع كايتوفرعلى محرك كهربائي مدمج بجهد 48 فولت لي كايضمن قوة 20 حصان.

جيب كاتوفّر 2 د النسخ في الكتالوج، وهما : Longitude وLimited كايختلفو من حيث مستوى المميزات والمعدات المتوفرة. بالنسبة لجانب الأمن و السلامة، جيب كومباس كاتوفر على العديد من الوسائل منها ، نظام مساعدة الحفاظ على المسار، ومساعدة السرعة الذكية، وأجهزة استشعار المطر والنوم ، نظام التحكم في السرعة، محدد السرعة، نظام التعرف على إشارات المرور بالإضافة l’aide au démarrage en côte لي هو نظام لي كايساعد السيارة في الانطلاق في المنحدرات.

أسعار Jeep Compass Hybrid كاتبدا من 339.000 درهم.

ندوزو دبا للجديد عند شركة Global Engines ، لي هي المستورد الحصري لعلامة هيونداي التجارية في المغرب. الوافد الجديد هي سيارة IONIQ 5، سيارة ذات دفع رباعي كهربائية مدمجة جديدة بنسبة 100٪. هاد السيارة جات في إطار استراتيجية التنمية المستدامة لي اعلنت عليها العلامة التجارية الكورية منذ عــامين.

من ناحية الستيل ديالها ، #hyundai Ioniq5 جات بمظهر فريد وأسلوب رائد! كاتتميز IONIQ 5 بغطاء المحرك لي واخد عرض السيارة بالكامل، في حين الواجهة الأمامية صممت على شكل V لي كا تدمج مصابيح جد مميزة.

السيارة اختارت إطارات بمقاس 19 و 20 Pouces ، بالإضافة ل خاصية مقابض الأبواب لي كاتفتح بطريقة أوطوماتيكية.أما فيما يخص الواجهة الخلفية ف كاتشمل شريط طويل يربط الأضواء ولي كا يتكون من مصابيح على شكل كتل مربعة كاتشبه البيكسل وكاتعطي للسيارة مظهرساحر.

هاد الشكل الرائع كا يكمل بلمسات تصميمية مبهرة من كل زوايا الهيكل.

سيارة هيونداي Ioniq 5 الكهربائية متوفرة ابتداء من 529.000 درهم