Salam khouya bnisba l Fiat palio essence katconsommer hia ol Fiat siena. chof Fiat uno

وعليكم السلام .
فياط باليو ثقيلة فالوزن على اونو. كنظن الا كانت نقية راه مزيانة بداك ثمن .
الصراحة الا بغيتي شيحاجا ماكاتكنسميش شوف شيحاجا صغيرة ديال اليابان ولا كوريا ولكن غدي اخصك تزيد شويا الا الا كنتي قابل على سوزوكي التو (شخصيا ماكانحملهاش) .
فنظري توكل على الله تتاوا مع مول باليو ولكن دي معاك شي ميكانيك ثقة يقلبها مزيان. الى محتاج الحديد ضروري تزعم وماتنساش اولا و اخيرا راه طموبيل ديال قل من ثلاث ملايين فاش كنهدرو اذن الخيارات قليلة بزاف . كلمة السر هو شري حالة نقية وباليو الى كانت نقية راه من بين افضل ماكاين بداك الثمن.
الا ماتقدش تزيد لفلوس بلا دين غير زعم واستخر الله عز وجل راه طموبيل الاولى ديال درويش ديما حلوا ولكن كول لشي واحد كيفهم اقلبها مزيان
اللهم يسر

شكرا الإخوة الأعزاء
كنت خطأت في الموديل ديال فيات سيينا ماشي 2003.هي موديل 2000 مازوط واحد الصديق قال لي لك انت 30000 dh
واش مزيانة بهذ الثمن واش هو لي كاين في السوق.وشكرا لكم

كنظن مزيان بزاف الا كانت الحالة نقية . اهم حاجة هي النقى ،الثمن يأتي في المقام الثاني . أحسن تشري بثمن طالع شويا ولكن حالة مزيانة ديال بصاح ولا ثمن ناقص ولكن امبانات واحد تابع الاخر.
الصلاح هوالي كيتشرى . الا كانت مزيانة استخر الله و توكل على الله
الله يسر

شكرا اخي عبد الله تحياتي

سول صاحبك السبب علاش غيبيع والا كان غادي ابدل اشمن طمبيل غاي شري راه هادشي غادي استنتج منو شحال من حاجة .

Salam , 3andi siena 1998 essence 1,2l moteur dyalha injection kilometrage 150000km i9tisadya bzaf la consommation dyalha btad9i9 hiya : 70dh/100km en route wkanhaz biha 6 places et en ville 100dh/100km , 3tawni 31000dh wmabghitch nbi3ha wllah maskhit nbi3ha mazal ghadi nksbha wahd 2ans , l'enpanne walo makaynch w skhonya walo , men chhar 12 ma3amarni zadt liha 9atra dyal lma, moteur excellent ,
ila l9iti chi wahda injection machi carburateur khodha wlah matskha tbi3ha wla chouf palio hta hiya top ila kant injection , nharkoum mbrouk

Merci bien si mohamed amin lahla ikhatik a khoya